Dünya - AzeriMedia.az

Dünya - AzeriMedia.az https://azerimedia.az/ az Dünya - AzeriMedia.az DataLife Engine Səna aeroportu vuruldu: İran təyyarəsinin limana enişinə imkan verilmədi - VİDEO https://azerimedia.az/dunya/15462-sena-aeroportu-vuruldu-iran-teyyaresinin-limana-enisine-imkan-verilmedi-video.html https://azerimedia.az/dunya/15462-sena-aeroportu-vuruldu-iran-teyyaresinin-limana-enisine-imkan-verilmedi-video.html admin Mon, 13 Jul 2026 17:48:13 +0400

]]>

Yəmən Silahlı Qüvvələri İran təyyarəsinin enişinə mane olmaq məqsədilə "Ənsar Allah" üsyançı hərəkatından olan husilərin nəzarəti altında olan Səna beynəlxalq hava limanının uçuş-eniş zolağına zərbə endirib.
Azerimedia.Az xəbər verir ki, bu barədə SABA dövlət informasiya agentliyi ölkənin Müdafiə Nazirliyinə istinadən məlumat yayıb.

Videoya baxmaq üçün linkə daxil olun

İran rejiminin dəstəklədiyi husi birləşmələri Yəmənin milli aviasiyasına paytaxt Səna hava limanına enməyi qadağan edib. Bu səbəbdən hava limanının uçuş-eniş zolağı zərbəyə məruz qalıb", - deyə açıqlamada qeyd olunub.

Hücumdan bir qədər əvvəl Müdafiə Nazirliyi Səna hava limanının dərhal təxliyə edilməsinə çağırış edib və vətəndaşlara obyektə yaxınlaşmamaq barədə xəbərdarlıq olunub. Qurumdan bildirilib ki, bu tədbirlər milli suverenliyin qorunmasına yönəlib və ölkənin hava məkanını pozmağa cəhd edən istənilən təyyarənin qarşısının alınması üçün tam hazırlıq vəziyyətindədirlər.

Yəmənin "Ənsar Allah" hərəkatı (husilər) isə Səna hava limanına endirilən zərbələrə görə məsuliyyəti Səudiyyə Ərəbistanının daşıdığını bildirərək, gərginliyin azaldılması mərhələsinin bitdiyini elan edib. Bu barədə üsyançıların qurduğu silahlı qüvvələrin rəsmi sözçüsü Yəhya Sariye məlumat verib.

O, həmçinin qeyd edib ki, hücumun nəticələrinə görə Ər-Riyad cavabdehlik daşımalıdır. O, bu addımların cavabsız qalmayacağını xüsusi vurğulayıb. ]]>

]]>

Rusiyanın Dağıstan Respublikasının Gergebil rayonunda fövqəladə vəziyyət rejimi tətbiq edilib.

Azerimedia.Az xəbər verir ki, bu barədə yerli administrasiya məlumat yayıb.

Videoya baxmaq,üçün linkə daxil olun

Videoya baxmaq üçün linkə daxil olun

Bildirilib ki, ötən gün Gergebil rayonunun rəhbəri Məhəmmədəli Tahirov fövqəladə hallar komissiyasının növbədənkənar iclasını keçirib. Qeyd edib ki, təbii fəlakət bölgəyə ciddi ziyan vurub. Məlumata görə, ərazidən keçən çayda suyun səviyyəsinin davamlı olaraq artması müşahidə edilir.

"Yaranmış şəraitdə fövqəladə vəziyyət rejimini elan etməkdən başqa çıxış yolumuz qalmır", - deyə o, açıqlamada bildirib.

Hazırda Rusiya Fövqəladə Hallar Nazirliyinin əməkdaşları bir sıra əlverişsiz hava hadisələrinin nəticələrinin aradan qaldırılması ilə məşğuldurlar.

Qeyd olunub ki, iyulun 7-də və 8-də Dağıstan ərazisində şiddətli yağışlar yağıb. Kəskin hava şəraiti elektrik enerjisinin verilməsində kütləvi fasilələrə səbəb olub. 48 yaşayış məntəqəsi işıqsız qalıb. Elektrik təchizatında yaranan nasazlıqlar təxminən 30 min insana təsir göstərib. Bundan əlavə, Sulak çayında suyun səviyyəsinin kritik həddə çatması səbəbindən Dağıstanın dörd yaşayış məntəqəsi su altında qalma təhlükəsi ilə üzləşib. ]]>

]]>

ABŞ-nin zərbələri nəticəsində İranda iki gün ərzində 14 nəfər ölüb, 78 nəfər yaralanıb.
Azerimedia.az xəbər verir ki, bu barədə İslam Respublikasının Səhiyyə Nazirliyi məlumat yayıb.

Bildirilib ki, İranın beş əyalətinə zərbələr endirilib.

Nazirliyin rəsmi nümayəndəsi Hüseyn Kermanpur deyib ki, ABŞ-nin hücumları nəticəsində yaralanan 78 nəfərdən təxminən 47-si hələ də xəstəxanalardadır.

Qeyd edək ki, ABŞ ordusu son iki gecədə İrana zərbələr endirib. İran ordusu buna cavab olaraq bölgədəki Amerika bazalarına qarşı yeni əməliyyat həyata keçirildiyini açıqlayıb. İran ordusunun bəyanatında deyilir ki, ABŞ-ın Küveyt, Qətər və Bəhreyndəki bazaları PUA hücumuna məruz qalıb. ]]>

]]>

NATO-nun Türkiyənin paytaxtı Ankarada keçirilən 36-cı Zirvə görüşündə bütün üzv ölkələr bir lider və onun başçılıq etdiyi nümayəndə heyəti ilə təmsil olunarkən, Çex Respublikası toplantıya iki liderlə qatılıb.
Azerimedia.az xəbər verir ki, Çexiya Prezidenti Petr Pavel və Baş nazir Andrey Babiş iki ayrı dövlət təyyarəsi ilə Ankaraya səfər ediblər.

Buna səbəb isə onlar arasındakı fikir ayrılığı nəticəsində yaranan dərin siyasi böhrandır.
A.Babiş NATO-nun sammitində ölkəni təmsil edəcəyini və Prezident Petr Pavelin Ankaraya getməyəcəyini açıqlamasından sonra dövlət başçısı məhkəməyə müraciət edərək özünün də nümayəndə heyətinin tərkibinə salınmasını istəyib. Məhkəmə P.Pavelin xeyirinə qərar çıxarıb.
Zirvə görüşündən əvvəl A.Babişin mövqeyinə açıq şəkildə etiraz edən P.Pavel, müttəfiq liderlərlə birbaşa əlaqə qurmağın və fikir mübadiləsi aparmağın onun konstitusiya məsuliyyəti olduğunu açıqlayıb. Bununla da Çexiya Ankara zirvə görüşündə iki fərqli liderin təmsil etdiyi yeganə NATO ölkəsi olub.

Prezident və Baş nazir arasındakı şəxsi gərginlik, liderlərin kameralar qarşısında dayandıqları ənənəvi NATO ailə fotosunda aydın şəkildə görünüb. Pavel və Babiş fotosessiya zamanı yan-yana dayanmaqdan çəkinərək tamamilə əks tərəflərdə yer alıblar.

Nəticədə NATO Hərbi Komitəsinin sədri kimi keçmiş roluna görə ittifaq dairələrində populyar və nüfuzlu bir şəxs olan P.Pavel, öz ölkəsinin Baş naziri ilə bu təmsilçilik böhranı ilə qarşılaşıb və bu, sammitin ən çox müzakirə olunan mövzularından birinə çevrilib. ]]>

]]>

İran Silahlı Qüvvələrinin "Xətəm əl-Ənbiya" mərkəzi qərargahının komandanlığı ABŞ-nin təcavüzünə cavab veriləcəyini və Hörmüz boğazının idarə olunmasına hər hansı müdaxilənin qarşısının alınacağını bəyan edib.

Azerimedia.Az xəbər verir ki, bu barədə İranın "Tasnim" informasiya agentliyi məlumat yayıb.

"İran İslam Respublikasının Silahlı Qüvvələri ABŞ-nin təcavüzünə və terror xarakterli hərəkətlərinə qətiyyətlə cavab verəcək, heç bir şərt altında onların Hörmüz boğazının işlərinə qarışmasına və buranı idarə etməsinə icazə verməyəcək", - deyə agentlik komandanlığın məlumatından sitat gətirib.

Qeyd edək ki, bundan əvvəl ABŞ Silahlı Qüvvələrinin Mərkəzi Komandanlığı (CENTCOM) İslam Respublikasının Hörmüz boğazında üç gəmiyə ehtimal olunan hücumlarına cavab olaraq İrana bir sıra güclü zərbələr endirdiyini açıqlamışdı. ]]>

]]>

Türkiyənin paytaxtı Ankara şəhərində 36-cı NATO Sammiti öz işinə başlayıb.
Azerimedia.az xəbər verir ki, açılış mərasimində NATO-nun Baş katibi Mark Rutte çıxış edib.

Çıxışdan sonra Rutte müttəfiq ölkələrin nümayəndələrini səhnəyə dəvət edib. Daha sonra sammit iştirakçıları ilə birgə xatirə fotosu çəkdirilib.

Mərasim çərçivəsində NATO-nun hərbi imkanlarını və alyansın müdafiə potensialını əks etdirən videoçarxlar nümayiş olunub.

Qeyd edək ki, NATO sammiti çərçivəsində bir sıra iri həcmli silah tədarükü müqavilələrinin elan olunacağı gözlənilir. ]]> Rusiyadakı miqrantlara bəd xəbər - Deportasiya olunacaqlar https://azerimedia.az/dunya/15379-rusiyadaki-miqrantlara-bed-xeber-deportasiya-olunacaqlar.html https://azerimedia.az/dunya/15379-rusiyadaki-miqrantlara-bed-xeber-deportasiya-olunacaqlar.html admin Mon, 06 Jul 2026 14:38:26 +0400

]]>

Bu həftə Dövlət Duması miqrantların deportasiyasının əhatə dairəsinin daha da genişləndiirlməsi istiqamətində qanunvericiliyə dəyişikliklər ediləcək. Bununla da deportasiya ilə bağlı inzibati xətanın satyı 22-dən 45-ə çatdırılacaq.
Azerimedia.az xəbər verir ki, bu barədə Dövlət Dumasının spikeri Vyaçeslav Volodin məlumat verib.
Onun sözlərinə görə, əvvəlcə 43 maddəyə dəyişiklik nəzərdə tutulurdusa, sonradan ayrı-seçkilik və dövlət sərhədində hərbi qulluqçunun əmrinə tabe olmama hallarıilə bağlı inzibatı cəza tədbiri ilə bağlı təkliflər daxil olub.

Vyaçeslav Volodin qeyd edib ki, bu, ölkəmizdə ictimai təhlükəsizliyin yaxşılaşdırılmasına və miqrasiya sahəsində qayda-qanunun yaradılmasına töhfə verəcək.
O eyni zamanda əlavə edib ki, Dövlət Duması bu həftə əmək miqrasiyası ilə bağlı təşəbbüslərə baxacaq.

Dəyişikliklərdən sonra Rusiyada miqrantlarla bağlı daha ciddi qaydalar tətəbiq olunacaq və bu qaydalra əməl etməyənlər ölkədən çıxarılacaq.

Hazırda İnzibati Xətalar Məcəlləsinə əsasən, əcnəbinin Rusiyadan deportasiyası inzibati xətaya görə mümkün cəzalardan biridir. Düzəlişlər müəyyən inzibati xətalara görə cəriməyə əlavə olaraq məcburi əlavə cəza tətbiq edir. ]]>

]]>

Konqo Demokratik Respublikasında (KDR) yayılmış Ebola virusu nəticəsində 506 şəxs həyatını itirib.

Azerimedia.Az xəbər verir ki, bu statistikanı Konqo Mətbuat Agentliyi (ACP) yayımlayıb.

Agentliyin təqdim etdiyi rəqəmlərə görə, respublikada ümumilikdə 1 561 rəsmi təsdiqlənmiş yoluxma faktı aşkarlanıb və onlardan 253 nəfər xəstəliyə qalib gələrək sağalıb. Xəstəlik üzrə ölüm göstəricisi 32.4% təşkil edir, virus daşıyıcıları ilə təmasda olan şəxslərin isə 81.6%-ni izləmək və nəzarətə almaq mümkün olub. ]]> ABŞ-də anomal istilər səbəbindən Müstəqillik Günü tədbirləri təxirə salındı https://azerimedia.az/dunya/15369-abs-de-anomal-istiler-sebebinden-musteqillik-gunu-tedbirleri-texire-salindi.html https://azerimedia.az/dunya/15369-abs-de-anomal-istiler-sebebinden-musteqillik-gunu-tedbirleri-texire-salindi.html admin Sat, 04 Jul 2026 10:40:55 +0400

]]>

ABŞ-nin mərkəzi və şərq ştatlarını cənginə alan anomal istilər ölkənin Müstəqillik Gününə həsr edilmiş kütləvi tədbirlərin keçirilməsinə mane olub.

Azerimedia.Az xəbər verir ki, bu barədə "Reuters" məlumat yayıb.

Yüksək temperatur səbəbindən Vaşinqton və onlarla digər şəhərlərin rəhbərliyi ənənəvi bayram paradlarını, konsertləri və atəşfəşanlıqları ləğv etmək və ya vaxtını dəyişmək məcburiyyətində qalıb.

Məlumata görə, ekstremal istilərin yaranmasına ölkə ərazisi üzərində isti havanı saxlayan yüksək təzyiq sahəsi - "istilik qübbəsi" səbəb olub. Təhlükəli hava şəraiti ilə əlaqədar 185 milyondan çox insan üçün xəbərdarlıq edilib.

Ekstremal hava şəraiti eyni zamanda enerji sisteminə də əlavə yük yaradıb. Ən böyük elektrik şəbəkəsi operatoru olan PJM kondisionerlərin istifadəsinin kəskin artması fonunda baş verə biləcək kütləvi kəsilmələr riskinə görə sakinləri elektrik enerjisinə qənaət etməyə çağırıb.

Nyu-Yorkda qəzalar səbəbindən artıq 17 minə yaxın abonent işıqsız qalıb.

"Reuters" vurğulayır ki, Manhetten küçələrində isə yüksək temperaturdan asfalt əriməyə başlayıb. ]]>

]]>

Azərbaycan nümayəndə heyəti Əli Xameneinin vida mərasimində iştirak etmək üçün artıq Tehrandadır.

Azerimedia.Az xəbər verir ki, bu barədə "Fars" agentliyi məlumat yayıb.

Videoya baxmaq üçün linkə daxil olun

Bildirilib ki, onları hava limanında parlament sədri Məhəmməd Baqir Qalibafın müavini qarşılayıb.

Qeyd edək ki, nümayəndə heyətinin tərkibinə Milli Məclisin sədri Sahibə Qafarova, baş nazirin müavini Şahin Mustafayev, Naxçıvan Muxtar Respublikasının Baş naziri Cabbar Musayev və digər rəsmi şəxslər daxildirlər. ]]>