Hadisə - AzeriMedia.az

Hadisə - AzeriMedia.az https://azerimedia.az/ az Hadisə - AzeriMedia.az DataLife Engine Azərbaycan Ordusunun hərbçisi vəfat etdi - FOTO https://azerimedia.az/hadise/15451-azerbaycan-ordusunun-herbcisi-vefat-etdi-foto.html https://azerimedia.az/hadise/15451-azerbaycan-ordusunun-herbcisi-vefat-etdi-foto.html admin Mon, 13 Jul 2026 16:26:02 +0400

]]>

Azərbaycan Ordusunun müddətdən artıq həqiqi hərbi xidmət hərbi qulluqçusu vəfat edib.

Azerimedia.Az "Unikal"a istinadla xəbər verir ki, hərbçimiz Ramiq Elxan oğlu Kərimov xidmətdən kənar vaxtda yüksək arterial təzyiq nəticəsində beyninə qan sızması səbəbindən həyatını itirib.

Faktla bağlı araşdırma aparılır.

Müdafiə Nazirliyi faktı təsdiqləyib. ]]> Kəlbəcərdə mina partladı https://azerimedia.az/hadise/15437-kelbecerde-mina-partladi.html https://azerimedia.az/hadise/15437-kelbecerde-mina-partladi.html admin Fri, 10 Jul 2026 14:32:34 +0400

]]>

Kəlbəcər rayonunda mina partlayışı olub, xırdabuynuzlu heyvanlara ziyan dəyib.
Azerimedia.az xəbər verir ki, hadisə Laçınla sərhəd ərazidə qeydə alınıb.

Xoşbəxtlikdən xəsarət alan olmayıb. Lakin ilkin məlumata görə, üç baş xırdabuynuzlu heyvana ziyan dəyib.

Qeyd edək ki, ərazidə oxşar hadisələr daha əvvələr də baş verib. ]]> Azərbaycanın məşhur alimi faciəvi şəkildə öldü https://azerimedia.az/hadise/15409-azerbaycanin-meshur-alimi-facievi-sekilde-oldu.html https://azerimedia.az/hadise/15409-azerbaycanin-meshur-alimi-facievi-sekilde-oldu.html admin Thu, 09 Jul 2026 11:59:13 +0400

]]>

Azərbaycanın görkəmli alimi, pedaqogika üzrə fəlsəfə doktoru, dosent Əmralı Şirəliyev evində yıxılaraq aldığı xəsarətdən vəfat edib.
Azerimedia.az-ın xəbərinə görə, hadisə bir neçə gün əvvəl baş verib.

Ə.Şirəliyev Bakının Nərimanov rayonu, Əliyar Əliyev küçəsindəki evində ehtiyatsızlıqdan yıxılıb. Nəticədə o, ağır xəsarət alıb. Alim xəstəxanaya yerləşdirilsə də onun həyatını xilas etmək mümkün olmayıb.

Qeyd edək ki, 1947-ci il təvəllüdlü Əmralı Şirəli oğlu Şirəliyev 50 ilə yaxın Azərbaycan Dillər Universitetində (ADU) çalışıb. O, 2017-2023-cü illərdə ADU-nun Xarici dillərin tədrisi metodikası kafedrasının müdiri olub. ]]>

]]>

7 iyul 2026-cı il tarixində Bakı şəhəri, Xəzər rayonu, Şüvəlan qəsəbəsində dənizdə nəzarətsiz ərazidə bir nəfər batıb.

Azerimedia.Az xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, 1998-ci il təvəllüdlü Adıgözəl Ehtibar oğlu Mustafayevin meyiti Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları tərəfindən suda tapılıb çıxarılaraq aidiyyəti üzrə təhvil verilib. ]]> Abşeronda 7 əl qumbarası, 2 avtomat, 1 tapança aşkarlandı https://azerimedia.az/hadise/15390-abseronda-7-el-qumbarasi-2-avtomat-1-tapanca-askarlandi.html https://azerimedia.az/hadise/15390-abseronda-7-el-qumbarasi-2-avtomat-1-tapanca-askarlandi.html admin Tue, 07 Jul 2026 12:30:29 +0400

]]>

Abşeronda xeyli sayda silah-sursat aşkarlanıb.
Bu barədə Fövqəladə Hallar Nazirliyindən məlumat verilib.

Bildirilib ki, nazirliyin "112" qaynar telefon xəttinə Abşeron rayonu ərazisində silah-sursat aşkar edilməsi barədə məlumat daxil olub.

Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.

Hüquq mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş silah-sursatın döyüş tətbiqinə yararlı 2 ədəd F-1 və 1 ədəd RQD-5 əl qumbarası, 3 ədəd UZRQM-2 partladıcısı, 67 ədəd 5.45 mm-lik mərmi, 1 ədəd 7.62 mm-lik mərmi, 4 ədəd 9 mm-lik mərmi, 2 ədəd AK-74 avtomatı və 1 ədəd Makarov tipli tapança olduğu müəyyən edilib.

Aşkar edilmiş silah-sursatlar XRXX-nin çevik qrupunun mütəxəssisləri tərəfindən ərazidən götürülərək kənarlaşdırılıb.

Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib. ]]>

]]>

Bakı şəhəri, Yasamal rayonu, Ümid Ələkbərov küçəsində yerləşən yaşayış evində partlayış baş verib.

Azerimedia.Az xəbər verir ki, bu barədə Fövqəladə Hallar Nazirliyi (FHN) məlumat yayıb.

Bildirilib ki, məlumatla əlaqədar dərhal əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.

Hadisə yerində əməliyyat şəraitinin ilkin qiymətləndirilməsi zamanı ikimərtəbəli yaşayış evinin birinci mərtəbəsində yanğınla müşayiət olunan partlayışın baş verdiyi müəyyən olunub.

Yanğınsöndürənlərin operativ müdaxiləsi sayəsində yanğın genişlənməsinə imkan verilmədən qısa müddətdə söndürülüb.

Yanğın nəticəsində ayrı-ayrı vətəndaşlara məxsus ümumi sahəsi 250 kvadratmetr olan evin birinci mərtəbəsində yerləşən iki otağın yanar konstruksiyaları 50 kvadratmetr sahədə yanıb.

Hadisə nəticəsində 3 nəfər müxtəlif dərəcəli bədən xəsarətləri alıb, xilasedicilər tərəfindən 2010-cu il təvəllüdlü vətəndaşın meyiti çıxarılaraq aidiyyəti üzrə təhvil verilib.

Hadisə ilə əlaqədar müvafiq qurumlar tərəfindən araşdırma aparılır. ]]>

]]>

Bu gün Bakı metrosunda 1994-cü ildə baş verən ikinci terror aktının 32-ci ildönümüdür.

1994-cü ilin iyul ayının 3-də Bakı metrosunda ikinci terror aktı olub.

Azerimedia.Az xatırladır ki, həmin gün saat 20:30-da metronun "28 May" stansiyasından "Gənclik" stansiyası istiqamətində hərəkət edən qatarın platformaya çatmağına 500 metr qalmış qatarın ikinci vaqonunda partlayış baş verib.

Partlayışdan sonra qatarda yanğın başlayıb. Terror aktı nəticəsində 13 nəfər həlak olub, 58 nəfər isə yaralanıb.

"28 May" və "Gənclik" stansiyaları arasında partlayışın təşkil edilməsi ilə əlaqədar Moskvada yaşayan Azərbaycan vətəndaşı Azər Aslanov həbs olunub. O, 1997-ci il noyabrın 29-da Azərbaycana ekstradisiya edilib. Azər Aslanov ifadəsində bildirib ki, o, Bakı metropolitenində terror aktı törətmək göstərişini erməni əsirliyində olarkən, erməni yazıçı Zori Balayandan alıb. Məhkəmənin hökmü ilə Azər Aslanov ömürlük həbs cəzasına məhkum edilib. ]]>

]]>

Bakı şəhəri, Xəzər rayonu, Mərdəkan qəsəbəsində dənizdə dörd nəfər batıb.

Azerimedia.Az xəbər verir ki, bu barədə Fövqəladə Hallar Nazirliyindən (FHN) məlumat verilib.

"Fövqəladə Hallar Nazirliyinin "112" qaynar telefon xəttinə Bakı şəhəri, Xəzər rayonu, Mərdəkan qəsəbəsində ən yaxın xilasetmə məntəqəsindən 3 km aralı, dənizdə nəzarətsiz ərazidə 4 nəfərin batması barədə ilkin məlumat daxil olub.

Məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları çağırış üzrə cəlb olunub.

Hazırda dalğıc-xilasedicilər tərəfindən vətəndaşların batdığı ehtimal olunan istiqamətlər üzrə axtarışlar həyata keçirilir.

Əlavə məlumat veriləcək", - məlumatda qeyd olunub. ]]>

]]>

Bakının Sabunçu rayonunun Maştağa qəsəbəsində elektrik enerjisinin verilməsində problem yaranıb.

Bu barədə Oxu.Az-ın qaynar xəttinə məlumat daxil olub.

Bildirilib ki, bu gün səhər saatlarından qəsəbənin Ülvi Rəfiyev küçəsində elektrik enerjisinin verilməsi dayandırılıb.

Məsələ ilə bağlı "Azərişıq" ASC-dən bildirilib ki, elektrik enerjisinin kəsilməsinə səbəb yol-nəqliyyat hadisəsi olub.

Qurumdan verilən məlumata görə, avtomobil işıq dirəyinə çırpılıb və nəticədə, dayaq aşıb.

"Hazırda əməkdaşlarımız hadisə yerində bərpa işləri aparırlar. Ərazinin böyük hissəsinə artıq elektrik enerjisinin verilməsi bərpa olunub. Təxminən 20-30 ailənin yaşadığı əraziyə isə qısa müddət ərzində yenidən enerji veriləcək", - deyə məlumatda qeyd olunub. ]]>

]]>

Xəzər dənizində 3.5 maqnitudalı zəlzələ qeydə alınıb.

Azerimedia.Az xəbər verir ki, bu barədə AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosu məlumat yayıb.

Bildirilib ki, zəlzələ yerli vaxtla 11:53-də baş verib.

Zəlzələ ocağı 19 kilometr dərinlikdə yerləşib.

]]>