"Xalq artisti Arif Babayevin səhhəti dövlət qurumları tərəfindən nəzarətə götürülüb".
Bunu mədəniyyət naziri Adil Kərimli jurnalistlərlə açıqlamasında deyib.

O bildirib ki, A.Babayevin sağalması üçün bütün həkimlər səfərbər ediliblər:

"Nazirlik olaraq ilk gündən ailəsinin yanındayıq. Sənətkarımızın intensiv müalicəsi davam etdirilir. Nazirliyin əməkdaşları da onun səhhəti ilə maraqlanır, mütəmadi nəzarətdə saxlayırlar. Əlavə nə lazım olarsa, nazirlik olaraq üzərimizə düşəni etməyə hazırıq".

12:46

"Əlini-ayağını tərpədir. Bu, bizim üçün irəliləyişdir. Çünki xəstəxanaya koma vəziyyətində gətirmişdik".

Bunu Xalq artisti Arif Babayevin oğlu Yaşar Babayev deyib.

O qeyd edib ki, kritik vəziyyətdə olduğu üçün xırda irəliləyiş də bizi sevindirir: "Dövlətimizə, həkimlərimizə təşəkkür edirəm".